Një marrëveshje për të organizuar një bisedim mes peridentit rus, Vladimir Putin dhe homologut ukrainas, Volodymyr Zelensky ende nuk është arrirë.
Ndihmësi i presidentit ukrainas, Mykhailo Podolyak, tha se kjo gjë nuk u arrit pavarësisht përpjekjeve të Turqisë.
Podolyak tërhoqi vëmendjen për rritjen e armiqësive në lindje të Ukrainës dhe përpjekjet ruse për të “shkatërruar plotësisht” qytetin portual të Mariupol.
Në një deklaratë të mëparshme u shpreh se “shpërthimet në tre provinca ruse në kufi me Ukrainën ishin “karma” dhe shpagim për pushtimin e vendit nga Rusia”.
“Heret apo vonë borxhet shlyhen kur një shtet vendos të sulmojnë një shtet tjetër”, shkroi ai në Telegram.
Guvernatori i rajonit të Belgorodit të Rusisë, Vyacheslav Gladkov, tha se një depo armësh ishte përfshirë nga flakët pranë fshatit Staraya Nelidovka, që ndodhet 20 km nga kufiri ukrainas. Ai u shpreh se zjarri ishte shuar dhe s’ka pasur njerëz të lënduar apo dëme në banesa rezidenciale.
